UN-Habitat İçərişəhərdə sakinlər və turistlər arasında balansı öyrənir
BMT-nin Məskunlaşma Proqramı (UN-Habitat) İçərişəhərdəki sakinlər və turistlər arasındakı həssas balansı araşdırır. Bu, tarixi məhəllənin sosial və iqtisadi dinamikalarını qorumaq məqsədini daşıyır.
Minval.info xəbər verir ki, UN-Habitat-ın Azərbaycandakı ofisinin rəhbəri Anna Soave bu barədə Bakıda keçirilən II Azərbaycan Beynəlxalq İnvestisiya Forumunda danışıb. Onun sözlərinə görə, təşkilat yerli sakinlərin ehtiyacları ilə turistlərin tələbatlarını tarazlaşdırmaq üçün İçərişəhər Dövlət Tarix-Memarlıq Qoruğu İdarəsi ilə dialoqa başlayıb.
Anna Soave bildirib ki, tarixi evlərin qısamüddətli kirayə obyektlərinə çevrilməsi yerli sakinlərin oradan uzaqlaşmasına səbəb ola bilər və bu, İçərişəhərin canlı həyat mühitini zərbə altında qoya bilər. Bu səbəbdən, tarixi məkanların dəyərinin qorunması vacibdir.
Ofis rəhbəri əlavə edib ki, bu problemlər Azərbaycanın Milli Şəhərsalma Siyasəti çərçivəsində həll olunur. Bu siyasət torpaq və mənzil təminatı, mobillik, iqtisadi inkişaf və investisiya məsələlərini uzunmüddətli perspektivdə birləşdirir.
Turizmin inkişafında əsas məsələ gələn turistlərin sayından çox, onların yaratdıqları dəyərdir. Onların qalma müddəti, investisiya və xərcləri əhəmiyyətlidir. Dövlət-özəl tərəfdaşlığı isə bu istiqamətdə mühüm rol oynayır.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
ABŞ-da pestisid məhsullarında 485 kimyəvi maddə aşkar edildi
“Lazeroloq Fərid” qadının intim görüntülərini paylaşdı – ŞOK VİDEO
Hakimiyyətin zirvəsindən həbsxanaya - Alimpaşa Məmmədovun korrupsiya dosyesi
