Ukraynalı nazir Türkiyədən üzr istədi

Ukraynanın müdafiə naziri Aleksey Reznikov ölkəsinin müharibədəki itkilərini Türkiyədə zəlzələdə həlak olanların sayı ilə müqayisə etdiyinə görə üzr istəyib.

Bakupost.az xəbər verir ki, A.Reznikov bu barədə öz tviter hesabında paylaşım edib.

“İspaniyanın “La Razon” qəzetinə verdiyim müsahibəmdə səsləndirdiyim fikirlərdən inciyən, Ukraynada və Türkiyədə olan hər kəsdən səmimi qəlbdən üzr istəyirəm. Minlərlə günahsız insanı, dostları və qonşularımızı dəfn etməyin nə olduğunu anlayırıq”, – deyə nazir bildirib.

ƏLAQƏLİ

Bunu da oxu

ABŞ və İran arasında gərginlik: Tramp danışıqların olmadığını deyir

22.10.2026 - 10:44

Qeyd edək ki, Reznikov “La Razon”a müsahibəsində bildirib ki, Ukraynanın genişmiqyaslı müharibə zamanı verdiyi itkilər Türkiyədə zəlzələ nəticəsində həlak olanların sayından azdır. “Əlbəttə, biz döyüşdüyümüzdən itkilərimiz var. Lakin itkilərimiz Rusiya tərəfində olduğundan azdır. Rəqəm açıqlaya bilmərəm, lakin deyə bilərəm ki, itkilərimizin ümumi sayı Türkiyədə zəlzələ zamanı ölənlərin sayından azdır”, – deyə ukraynalı nazir qeyd edib.

Xatırladaq ki, ən son açıqlamaya görə, Türkiyədə fevralın 6-sı baş verən dağıdıcı zəlzələlər nəticəsində 50 500 nəfər həlak olub.