Türkiyənin müdafiə sənayesinin sürətli inkişafı İsraildə diqqət çəkir

İsrail mətbuatı Türkiyənin müdafiə sənayesindəki sürətli inkişafı və Avropanın təhlükəsizlik arxitekturasında artan rolunu diqqət mərkəzinə gətirib. Bu barədə “Makor Rishon” nəşrində dərc olunan təhlildə geniş məlumat verilib.

Minval.info xəbər verir ki, məqalədə Türkiyənin artıq sadəcə silah tədarükçüsü olmaqdan çıxaraq, Avropada strateji tərəfdaşlıq mövqeyini gücləndirdiyi vurğulanıb. NATO-dakı hərbi gücü və müdafiə ixracatının artımı da bu inkişafın əsas göstəricilərindən biri kimi təqdim edilib.

Təhlildə Türkiyənin NATO-nun ikinci ən böyük ordusuna sahib olduğu və müdafiə sənayesinin qlobal bazarda 11-ci yerdə qərarlaşdığı bildirilib. Xüsusilə, müdafiə ixracatındakı artımın 2025-ci ildə 48 faiz yüksəlməsi qeyd olunub. Bu inkişaf “Əvvəllər bir ildə əldə etdiyimizi indi onlar bir həftədə əldə edirlər” ifadəsi ilə diqqətə çatdırılıb.

ƏLAQƏLİ

Bunu da oxu

Sevgi hormonu qorxuya qalib gəlməkdə rol oynayır

06.10.2026 - 18:47

Bundan əlavə, Türkiyənin Avropa ilə müdafiə əlaqələrinin sürətlə genişləndiyi, İspaniya, Rumıniya, Polşa və İtaliya ilə əməkdaşlığın dərinləşdiyi vurğulanıb. “Baykar”ın İtaliyanın “Piaggio Aerospace” şirkətini satın alması və “Leonardo” ilə tərəfdaşlıq qurması da Türkiyənin bu sahədəki artan roluna nümunə kimi göstərilib.

Məqalə sonunda Türkiyənin güclənən müdafiə sənayesi və Avropa ölkələri ilə genişlənən tərəfdaşlıqları sayəsində Avropanın təhlükəsizlik sistemində daha böyük rol əldə etməyə doğru irəlilədiyi vurğulanıb.