Türkiyədə daha 92 hərbçi barəsində saxlanılma qərarı verildi

Türkiyə Hərbi Hava Qüvvələrinə qarşı keçirilən FETÖ istintaqı çərçivəsində 92 nəfər barəsində saxlanılma qərarı çıxarılıb.

Virtualaz.org yerli KİV-ə istinadən bildirir ki, bu barədə Ankara Baş Prokurorluğu məlumat yayıb. Keçirilən əməliyyatlar nəticəsində 53 nəfərin şübhəli şəxs qismində saxlanıldığı bildirilib.

Barəsində saxlanılma qərarı çıxarılan hərbçilərdən ikisinin leytenant olduğu qeyd edilib.