Türkiyədə bələdiyyə sədrinə həbs – Əri də saxlanıldı

Türkiyənin İzmit bələdiyyəsində korrupsiya iddiaları ilə bağlı aparılan istintaq çərçivəsində bələdiyyə sədri və onun həyat yoldaşı həbs edilib.

Minval.info xəbər verir ki, İstanbul Prokurorluğunun apardığı araşdırma çərçivəsində saxlanılan Fatma Kaplan Hürriyyet və həyat yoldaşı Murat Hürriyyet barəsində həbs qətimkan tədbiri seçilib.

Məlumata görə, əməliyyat zamanı ümumilikdə 30 nəfər saxlanılıb. Onlardan 20-si məhkəmənin qərarı ilə həbs olunaraq cəzaçəkmə müəssisəsinə göndərilib, 10 nəfər barəsində isə məhkəmə nəzarəti qətimkan tədbiri tətbiq edilib.

İlon Maskdan gözlənilməz vəd: ABŞ-də hər uşağa SpaceX səhmi verəcək

ƏLAQƏLİ

Bunu da oxu

İlon Maskdan gözlənilməz vəd: ABŞ-də hər uşağa SpaceX səhmi verəcək

19.10.2026 - 17:34

İstintaq materiallarında bildirilir ki, bələdiyyənin keçirdiyi tenderlərdə qalib gələn və iştirak edən bəzi şirkətlərlə bələdiyyə rəhbərliyi arasında qohumluq əlaqələri müəyyən edilib. Həmçinin bələdiyyə ilə əməkdaşlıq edən şirkətlərdən “komissiya” adı altında pul alındığı iddia olunur.

Araşdırmaya əsasən, Murat Hürriyyetin tender proseslərinə, kadr təyinatlarına və ştatların müəyyənləşdirilməsinə birbaşa təsir göstərdiyi də iddialar sırasında yer alır.

Prokurorluq Fatma Kaplan Hürriyyet, Murat Hürriyyet və digər şübhəlilərə qarşı “cinayət törətmək məqsədilə təşkilat yaratmaq”, “rüşvətxorluq” və “tender prosesinə qanunsuz müdaxilə” maddələri ilə ittiham irəli sürüb.