Türk əsgərinə xain tələ – Quranı yerdən götürmək istəyəndə şəhid oldu

Türk əsgərinə xain tələ - Quranı yerdən götürmək istəyəndə şəhid oldu

Suriyada aparılan “Zeytun budağı” əməliyyatında şəhid olan türk hərbçisi Orxan Sürmənin ətrafına mina yerləşdirilən Qurani-Kərimi yerdən götürmək istəyərkən şəhid olduğu məlum olub.

Minval.İnfo xəbər verir ki, türk əsgərinin Qurani-Kərimə olan həssaslığını bilən terroristlər tərk etdikləri ərazidə Qurandan əsgərləri tələyə düşürmək üçün istifadə ediblər. Belə ki, Afrində terroristlərin Qurani-Kərimin ətrafına qoyduqları bomba türk hərbiçisi Orxan Sürməni şəhid edib. Əsgər Quran kitabını yerdən götürmək istəyərkən partlayış baş verib.

Türk Silahlı Qüvvələri mediaya verdikləri açıqlamada, ““Zeytun budağı” əməliyyatı çərçivəsində 13 mart 2018 tarixində Afrin ərazisində həyata keçirilən əməliyyat zamanı bir qəhrəman silah yoldaşımız şəhid olub. Bizləri dərin kədərə boğan bu hadisədə həyatını itirən əziz şəhidimizə Allahdan rəhmət, şəhidimizin kədərli ailəsinə, Türk Silahlı qüvvələri ilə uca türk millətinə başsağlığı və səbir diləyirik” deyilib.