Azərbaycanlı İŞİD komandiri öldürüldü
Suriyanın şimalında, Türkiyənin hərbi iştirakının olduğu və “Nüsra Cəbhəsi”nin nəzarətində olan (indiki adı “Heyət Təhriruş-Şam”) İdlib bölgəsində azərbaycanlı İŞİD komandiri öldürülüb.
Virtualaz.org xəbər verir ki, bu məlumatı türkdilli “İslahHaber.net” portalı yayıb. Həmin İŞİD komandirinin “Heyət Təhriruş-Şam” qruplaşmasının üzvləri ilə atışmada öldürüldüyü bildirilir.
Mənbə bildirir ki, son vaxtlar “Heyət Təhriruş-Şam” qruplaşmasının nəzarətində olan “azad bölgədə” bu qruplaşmanın üzvlərinə qarşı bomba yüklü motosikletlərlə, yollara mina basdırımaqla və digər üsullarla çoxsaylı sui-qəsdlər təşkil edilib. Nəticədə onlarla adam ölüb, çoxlu sayda yaralanıb.
Sui-qəsdləri həyata keçirilənlərin bəziləri yaxalanıb və şəriət məhkəməsinə çıxarılıb. Onların ifadələri əsasında həmin sui-qəsdlərin arxasında İŞİD və Bəşər Əsəd rejimini dəstəkləyən qüvvələr olduğu müəyyənləşib. “Bu səbəbdən azad bölgədə xalqın əmin-amanlığını təmin etmək üçün “Heyət Təhriruş-Şam” vaxtaşırı olaraq təhlükəsizlik əməliyyatları həyata keçirməkdədir”-“Əl-Qaidə” terror şəbəkəsinin Suriyadakı “filialı” olan “Nüsra Cəbhəsi”inə açıq simpatiya ifadə edən türkdilli sayt yazır.
Sayt “Heyət Təhriruş-Şam”a bağlı “təhlükəsizlik xidmətinin” rəhbəri “Üsəma Xalid” adlı terrorçuya istinadən bildirir ki, sui-qəsdlərə görə ələ keçirilən bir nəfərin ifadəsi əsasında İdlibin qərbində yerləşən Salkın qəsəbəsində İŞİD-in nəzarətində olan gizli düşərgə müəyyən edilib. Həmin düşərgəyə “Heyət Təhriruş-Şam” qruplaşması tərəfindən bir neçə gün əvvəl basqın edilib və bu zaman atışmada İŞİD-in sui-qəsdlər üzrə ixtisaslaşmış bir neçə yüksək rütbəli komandiri öldürülüb. Öldürülənlər arasında bu günlərdə İdlibdə sui-qəsd əməliyyatları həyata keçirən Azərbaycan əsilli İŞİD komandiri “Əbu Camal Azəri” də yer alır. Sayt həmin İŞİD terrorçusunun cəsədinin fotosunu da dərc edib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Kurtlar Vadisi"nin məşhur malikanəsi satışa çıxarıldı
Dollar sabit, avro və rubl bahalaşır
Ukraynada müharibənin gündəlik yükü: 450 milyon dollar
Qızıl və gümüş qiymətləri yüksəlir: Detallar burada!
El Nino qlobal istilik dalğasını artırır
Burun əməliyyatı sonrası boşanma qərarı aldı
ABŞ zərbələri: İran altı hərbçisini itirdi
