Şabranda yaşayış yerini tərk edən COVID-19 xəstəsi aşkarlanıb

DİN-in Mətbuat Xidmətinin Quba  regional qrupundan  “Minval.info”ya verilən məlumata görə, Şabran  rayon sakini  Yaşar Əmrullayevin  COVID-19 testinin nəticəsi pozitiv olduğu üçün ev şəraitində müalicə təyin edilməsinə baxmayaraq yaşadığı ünvanı tərk etdiyi müəyyən olunub. Rayon Polis Şöbəsinin əməkdaşları həmin şəxslə profilaktik söhbətlər aparıb və yaşadığı ünvana geri qaytarılıb.

Faktla bağlı  RPŞ-də araşdırma aparılır.