"Şəbnəm Tovuzlu bətnində körpəsi ilə intihar edəcəkdi..."

Müğənni Nazənin “Həyat Tərzi” verilişində qonaq olarkən maraqlı açıqlamaları ilə diqqət çəkib.

Minval.info xəbər verir ki, o, efir zamanı vaxtı ilə intihara cəhd edən həmkarı Şəbnəm Tovuzlunu xilas etməsindən danışıb:
“Şəbnəm bu camiyəyə təzə çıxmışdı, hamı onu baltalayırdı. O ağlayanda, onla ağlamışam, güləndə gülmüşəm. Jurnalistlərə yanlış məlumatlar verirdilər. Balası hələ bətnində idi, özünü öldürmək dərəcəsinə çatmışdı. Bir dəfə biz Gürcüstana uçurduq. İnanın ki, düşənə qədər ürəyim partladı ki, qız özünə bir şey edər. Canlı verilişlərə çıxırdı. Reklamda aprıcını yığıb xahiş edirdim ki, mənim xətrim varsa, o qıza artıq sual verməyin. Yoldaşı baxır, yaxşı deyil”.

Şəbnəm isə Salayevanın fikirlərindən sonra belə qeyd edib:

“Yaxşı ki, o dövrdə ən başda həyat yoldaşım yanımda oldu. Nazənin xanım və Lamiyyə xanım (Aparıcı Lamiyyə Ələkbərqızı – red.) məni qorudu. Bunu heç vaxt itirmərəm. Reytinq üçün hər şeyi edirdilər”.