Rusiyanın Kiyevi “ölü şəhərə” çevirmə planı

Rusiyanın Kiyevi "ölü şəhərə" çevirmə planı

Rusiyanın Ukraynanın böyük şəhərlərini ‘ölü şəhərlərə’ çevirmək planları gündəmdədir. Bu strategiya çərçivəsində Kiyev və digər ərazilərdə Dnepr çayı üzərindəki körpülərə hədəfli zərbələr endirmək niyyətləri mövcuddur.

Minval.info xəbər verir ki, bu barədə Ukraynanın Hücum Qoşunları Komandanlığının zabiti Denis Yaroslavski məlumat verib. O, rusların raket və pilotsuz təyyarələrlə sistematik hücumlar həyata keçirmək imkanına malik olduğunu bildirib. Həmçinin, bu hücumlarda istifadə edilən dronların 40%-nin reaktiv mühərriklə işlədiyini qeyd edib.

Yaroslavski əlavə edib ki, ruslar hazırda böyük şəhərləri ‘ölü şəhərlərə’ çevirməyə çalışırlar. Bu, Putinin prioritet vəzifələrindən biridir. Onların sözçüləri körpülərə zərbə endirməli olduqlarını bildirirlər. Kiyevdəki körpülərə zərər vermək planları mövcuddur və bu, ciddi çöküşə səbəb ola bilər. Kiyev meriyasının bu barədə hansı tədbirlər gördüyü və ya ‘B planı’ olub-olmadığı məlum deyil. Cənub körpüsünün beş ildir təmir altında olduğunu nəzərə alsaq, tez bir zamanda heç bir dəyişiklik gözlənilmir.