Rus təyyarəsi Suriyada qəzaya uğradı - 32 ölü

Rusiyanın An-26 nəqliyyat təyyarəsi Suriyada qəzaya uğrayıb.

Minval.İnfo xəbər verir ki, bu barədə məlumatı “Reuters” yayıb. Qəza zamanı 32 nəfər həlak olub.

Məlumatı Rusiya Müdafiə Nazirliyi də təsdiqləyib. “Martın 6-da Moskva vaxtı ilə saat 15:00-da Rusiyaya məxsus An-26 təyyarəsi Hmeymim bazasına eniş zamanı qəzaya uğrayıb. İlkin məlumata görə, təyyarədə 26 sərnişin və 6 heyət üzvü olub. Hamısı həlak olub”, – nazirliyin yaydığı məlumatda bildirilib.

Nazirlik qeyd edib ki, təyyarəyə heç bir hücum olmayıb.

Minval.İnfo