Putin jurnalistlə bağlı qalmaqala görə iki generalı işdən qovdu

Rusiya Prezidenti Vladimir Putin bir neçə gün öncə narkotik satışında ittiham olunaraq saxlanılıb daha sonra sərbəst buraxılan “Meduza” saytının jurnalisti İvan Qolunovla bağlı qalmaqala görə iki generalı polis orqanlarından uzaqlaşdırıb.

“Qafqazinfo”nun rus KİV-nə istinadən verdiyi xəbərə görə, Rusiya Federasiyası Daxili İşlər Nazirliyinin Narkotiklərlə Mübarizə İdarəsinin Moskva üzrə rəisi Devyatkin Yuri və Dövlət Daxili İşlər Nazirliyinin Qərb İnzibati Rayon Şöbəsinin Daxili İşlər İdarəsinin Moskva üzrə rəisi Andrey Puçkov vəzifəsindən azad edilib.

Xatırladaq ki, iyunun 12-də Moskvada İvan Qolunova dəstək məqsədilə razılaşdırılmamış kütləvi aksiya keçirilib. Aksiyada 1200-ə yaxın insan iştirak edib. 200-dən çox etirazçı saxlanılıb.