Pleyboy modeli klub sahibi oldu - Onun Azərbaycanla nə əlaqəsi var?

Məşhur futbol agenti və sabiq “Playboy” modeli Anamariya Prodan Ruminiyanın “Hermanştadt” klubunun yeni sahibi olub.

Offsideplus.az xəbər verir ki, bu barədə jurnalist Emanuel Roşu “Twitter” hesabında məlumat verib, Prodanın stadionu ziyarət etdiyi fotonu da paylaşıb.

Futbolçulara 700 min avro borcu olan “Hermanştadt” maddi problemlər üzündən satılıb.

2015-ci ildə yaradılan Sibiu təmsilçisi Ruminiya çempionatının geridə qalan 26 turunda 25 xal yığıb. Sözügedən komanda hazırda turnir cədvəlində 10-cu pillədədir.

Qeyd edək ki, Anamariya Prodan  Azərbaycanda “Xəzər Lənkəran” və “Bakı”da çıxış etmiş Uinston Parksın da meneceri olub.