"Pişikdən qorxana təcili yardım çağırılmır" deyən kimdir? -AÇIQLAMA VİDEO

Sosial şəbəkələrdə təcili tibbi yardımla vətəndaş arasında olduğu iddia edilən səsyazma yayılıb.

“Minval.info” Ölkə.Az-a istinadən xəbər verir ki, qayınanası pişikdən qorxub ürəyi tutduğu üçün təcili yardıma zəng edən kişiyə qəribə cavab verilib.

Dialoq zamanı bildirilib ki, ilk dəfə təcili yardıma zəng edən zaman operator onlara “Başının Bismillah qoyun, yatsın” deyilib.

Vətəndaş daha sonra nə üçün belə bir cavab verildiyini sual edərək, təcili yardım əməkdaşına irad tutub. Xanım əməkdaşın reaksiyası “Pişikdən qorxanda adamın ürəyi tutur?” şəklində olub.

Daha sonra təcili yardım əməkdaşı olduğu deyilən şəxs pişikdən qorxan adamın ürəyi tutanda təcili tibbi yardıma ehtiyacın olmadığını deyərək vətəndaşı məntiqsizlikdə ittiham edib.

Sözügedən səsyazma sosial şəbəkələrdə müzakirələrə səbəb olub.

Məsələ ilə bğalı Bakı şəhəri Təcili Təxirəsalınmaz Tibbi Yardım Stansiyasından Ölkə.Az-ın sorğusuna cavab olaraq bildirilib ki, onlara belə bir zəng daxil olmayıb:

“Bildiririk ki, Bakı şəhəri Təcili Təxirəsalınmaz Tibbi Yardım Stansiyasında 5 yox, ən azı 13-14 operator fəaliyyət göstərir”.