Paşinyan Putini Ermənistanın daxili işlərinə qarışmamağa çağırdı

Ermənistan baş naziri Nikol Paşinyan Rusiya prezidenti Vladimir Putinlə görüşdə ümidvar olduğunu bildirib ki, Rusiya-Ermənistan münasibətləri bundan sonra da iki ölkənin maraqlarına hörmət və daxili işlərinə qarışmamaq prinsiplərinə əsasən qurulacaq.

Oxu.Az “RİA Novosti”yə istinadən xəbər verir ki, Paşinyan bu məsələlərin həll olunacağına əminliyini ifadə edib:

ƏLAQƏLİ

Bunu da oxu

Donuz böyrəyi ilə 9 ay sağ qaldı!

04.09.2026 - 21:20

“Biz ittifaq münasibətlərimizin maraqlarına, ölkələrimizin maraqlarına hörmət edilməsinə, bir-birimizin daxili işlərinə qarışmamaq prinsipinə hörmət edilməsinə əsaslanacağıq”.

O əlavə edib ki, iki ölkənin əlaqələrinin bütün potensialını açmağa çalışmaq lazımdır. Paşinyanın sözlərinə görə, iki ölkənin mediasında pessimist məqalələrə rəğmən, qarşılıqlı tərəfdaşlıq dinamik inkişaf edir.

Minval.İnfo