Leysan yağışları ölkəni bürüyüb: Hava proqnozu

Azərbaycanın müxtəlif bölgələrində qeyri-sabit və yağıntılı hava şəraiti davam edir. Ayrı-ayrı yerlərdə yağıntılar leysan xarakteri daşıyır. Milli Hidrometeorologiya Xidmətinin verdiyi məlumata görə, avqustun 31-i saat 10:00-a olan vəziyyətə əsasən, Qusarda 8 mm, Balakən və Qobustanda 5 mm, Şahbuzda 4 mm, Beyləqan, İmişli, Kürdəmir, Oğuz, Qəbələ, Lənkəran, Lerik və Şamaxıda 3 mm, İsmayıllı, Altıağac, Zərdab, Şuşa, Bakı və Abşeron yarımadasında isə 2 mm yağıntı qeydə alınıb. Digər bölgələrdə, o cümlədən Naxçıvan, Culfa, Ordubad, Gədəbəy, Gəncə, Naftalan, Şəmkir, Ağstafa, Tovuz, Qax, Zaqatala, Şəki, Quba, Xaçmaz, Xınalıq, Şabran, Şahdağ, Tərtər, Bərdə, Mingəçevir, Yevlax, Göyçay, Sabirabad, Neftçala, Biləsuvar, Yardımlı, Astara, Zəngilan, Kəlbəcər, Füzuli və Ağdamda isə 1 mm-dək yağıntı müşahidə olunub.

Minval.info xəbər verir ki, sentyabrın 1-də də ölkə ərazisində yağışlı hava şəraiti gözlənilir. Bu barədə Milli Hidrometeorologiya Xidməti məlumat yayıb.