Leysan və güclü külək ölkəni bürüdü

Azərbaycanın bəzi rayonlarında qeyri-sabit hava şəraiti davam edir. Şimşək çaxması və leysan xarakterli intensiv yağıntılar müşahidə olunub. Bakıda və Abşeron yarımadasında yağıntının miqdarı 18-22 mm təşkil edib ki, bu da aylıq normanın 300-524 faizinə bərabərdir.

Minval.info xəbər verir ki, şəhərətrafı ərazilərdə axşam saatlarında intensiv leysan yağışları ilə yanaşı, xırda dənəli dolu da qeydə alınıb. Şahdağda yağıntının miqdarı 51 mm (aylıq normanın 151 faizi), Qusarda 28 mm (aylıq normanın 83 faizi), Qəbələdə 18 mm, Xızı, Xaltan, Şabranda 14 mm, Qrızda 13 mm, Xınalıq, Ağstafada 10 mm, Lerik, Oğuzda 8 mm, Zaqatala, Qax, Şəki, Balakəndə 7 mm, Qobustanda 5 mm, Qubada 4 mm, Lənkəran, Astara, Yardımlıda 3 mm, Göyçay, İmişli, Sabirabad, Biləsuvar, Daşkəsəndə 2 mm, Şamaxı, Xaçmaz, Şirvan, Mingəçevir, Yevlax, Zərdab, Kürdəmir, Salyan, Ağdam, Tovuz, Gədəbəy, Kəlbəcər, Laçın, Qubadlı, Şuşada isə 1 mm-dək qeydə alınıb.

Bəzi yerlərdə küləyin sürəti də artıb. Şimal-qərb küləyinin maksimal sürəti Neftçalada 20 m/s, Bakıda və Abşeron yarımadasında, eyni zamanda Şirvanda 18 m/s, Culfada isə 17 m/s-yə çatıb.