Komsomolskaya Pravda Alina Kabayevanın nəzarətində!

Rusiyanın ən qədim və məşhur nəşrlərindən biri olan “Komsomolskaya Pravda” qəzeti “Milli Media Qrupu” media holdinqi tərəfindən satın alınıb. Bu holdinqə tanınmış şəxsiyyət Alina Kabayeva rəhbərlik edir.

Minval.info xəbər verir ki, bu barədə məlumatı holdinqin strukturuna daxil olan “İzvestiya” nəşri yayıb. “Milli Media Qrupu”nun tərkibində “İzvestiya”, “Sport-Ekspress” və “Delovoy Peterburq” kimi digər nüfuzlu nəşrlər də fəaliyyət göstərir.

“İzvestiya”nın məlumatına görə, bu birləşmə tərəflərin qarşılıqlı mövqelərini gücləndirəcək və jurnalistika sahəsində ən yaxşı təcrübələrin və istehsal standartlarının bölüşülməsinə imkan yaradacaq. Sövdələşmə “Milli Media Qrupu”nun informasiya və əyləncə kontenti bazarındakı mövqeyini daha da möhkəmləndirəcək.