İraq şəhərlərində internet əlaqəsi kəsildi – Bağdadda ən azı 4 ölü, 35 yaralı

Hökumət əleyhinə etirazların davam etdiyi İraqda paytaxt Bağdad ilə ölkənin orta və cənub hissəsində yerləşən şəhərlərində internet əlaqəsi kəsilib.

Avropa.info xəbər verir ki, təhlükəsizlik qüvvələri Bağdadda Yaşıl zonaya yaxın olan Əhrar körpüsünü də beton baryerlərlə bağlayıblar. Digər iki körpü – Respublika və Sinek körpüləri etirazlar üzündən bir neçə gündür bağlıdır.

Dünən Kərbəlada İran konsulluğunun qarşısında baş verən zorakılıq hadisələrindən sonra etirazçılar paytaxt Bağdadda prezident aparatı və dövlət televiziyasının binasına yürüş etmək istəyiblər. İraqlı təhlükəsizlik qüvvələri döyüş mərmisindən istifadə edərək, atəş açıb.

ƏLAQƏLİ

Bunu da oxu

Türkiyə-Liviya dəniz səlahiyyətləri razılaşmasına Liviya Parlamentindən təsdiq

20.10.2026 - 16:54

İraq Səhiyyə Nazirliyinin verdiyi məlumata görə, 4 nəfər ölüb, 35 nəfər yaralanıb. Yaralılar arasında bir polisin olduğu da bildirilir.