İranın hürmüz boğazı üçün ABŞ-yə irəli sürdüyü şərtlər: Münasibətlərdə dönüş nöqtəsi?

İran, Hürmüz boğazının yenidən açılması üçün ABŞ-dən siyasətində dəyişikliklər etməsini tələb edib. İran Milli Təhlükəsizlik Ali Şurasının katibi Məhəmməd Baqiri Zülqədr bu barədə yazılı açıqlama verib.

Minval.info xəbər verir ki, Zülqədrin sözlərinə görə, boğazın açılması ABŞ-ın İrana qarşı münasibətini dəyişməsi ilə əlaqədardır. “ABŞ öz davranışlarını dəyişmədikcə, Hürmüz boğazı açılmayacaq”, – deyə o bildirib.

İran rəsmisi, ABŞ-dən İranın dondurulmuş aktivlərinin qeyd-şərtsiz azad edilməsini, dəniz blokadasının sona çatdırılmasını, dəniz və hava qüvvələrinin İran ətrafından çıxarılmasını, sanksiyaların ləğvini və son iki müharibəyə görə təzminat ödənilməsini tələb edib.

ƏLAQƏLİ

Bunu da oxu

Türkiyədə dizel yenidən 100 lirədən ucuzdur

19.09.2026 - 12:30

Bununla yanaşı, İran rəsmisi ABŞ-ın Livan, Fələstin, Yəmən və İraqdakı İran müttəfiqlərinə qarşı apardığı müharibələrə son qoymasını, İranı təhdid etməməsini və “İran xalqının müqəddəslərinə hörmətsizlik etməməsini” də şərt kimi irəli sürüb.