İrəvandakı qanlı atışma: Daha iki nəfər saxlanıldı

İrəvanda baş vermiş silahlı insidentlə bağlı daha iki nəfər saxlanılıb. Minval.info xəbər verir ki, şübhəlilər polis əməkdaşları tərəfindən Dilican şəhərində yaxalanıblar.

Məlumata görə, saxlanılanlardan biri Ermənistan polisinin Daxili Təhlükəsizlik İdarəsinin sabiq rəisi, polkovnik Armen Akopyanın qardaşı Qurgen Akopyandır. Bildirilir ki, o, kriminal subkulturada iştirak etməkdə ittiham olunur və barəsində həbs qətimkan tədbirinin seçilməsi üçün məhkəməyə müraciət edilib.

İddialara əsasən, İrəvanda baş vermiş silahlı insident biznes maraqları zəminində baş verib. İş üzrə kriminal dəstənin rəhbəri kimi tanınan Armen Oqanyan da artıq həbs edilib.

Faktla bağlı istintaq tədbirləri davam etdirilir.