“İnsanlar əks təbliğata, əsassız videolara inanıb, peyvənddən boyun qaçırsa, açılan sahələr də bağlanacaq, yenidən əvvəlki vəziyyətə qayıdacağıq”.Bu sözləri AZXEBER.COM-a açıqlamasında Milli Məclisin deputatı Razi Nurullayev deyib.
O, insanları dövləti pis vəziyyətə qoymayaraq könüllü şəkildə peyvənlənməyə səsləyib:
“Son günlər bütün dünyada koronavirus xəstələrinin artması müşahidə olunur. Bu, Azərbaycanda da müşahidə olunur. Əgər artım davam edərsə, yenidən əvvəlki vəziyyətə qayıda bilərik. Bunun qarşısını almaq üçün əhali könüllü olaraq kütləvi şəkildə məntəqələrə, poliklinkalara yaxınlaşıb peyvəndlənməlirdir. İnsanlar ancaq peyvəndlə özlərini qoruya bilərlər. Mən dünən xarici mətbuatda bir araşdırma oxudum, peyvəndlər xəstəlikdən 70 faizdən 97 faizədək qoruyur. Hətta yoluxsan belə, həyat riskini sıfırlayır, ölüm riski olmur.
Deputat deyib ki, bu məsələdə vətəndaşların üzərinə böyük yük düşür:
“Bu baxımdan insanlar özlərini, yaxınlarını, iqtisadiyyatı, dövləti, höküməti zərərə salmayaraq, pis vəziyyətə qoymayaraq könüllü şəkildə gedib peyvənlənsinlər. Azərbaycanda yerdə qalan digər qadağalar da aradan qaldırılıb. Yox, əgər bu məsələdə yenə də insanlar əks təbliğata, əsassız videolara inanıb peyvənddən boyun qaçıracaqlarsa, təbii ki, bütün bunlar Azərbaycan üçün ciddi problem yaradacaq. Bununla yanaşı açılan sahələr də yenidən bağlanacaq. İnsanlar bunu istəyirmi? Biz istəmirik, hətta istəyirik ki, sərhədlər açılsın, xaricə getmək istəyən rahat getsin, işləməyə gedən getsin. Bunun üçün hər kəsi peyvənd olunmağa səsləyirəm”.
