Zelenski Fransayla “tarixi razılaşma”nı elan etdi

Ukrayna Prezidenti Volodimir Zelenskiy Fransiya ilə Ukrayna aviasiyasının gücləndirilməsi üzrə “tarixi razılaşma”nın bağlanacağını açıqlayıb.

Minval.info xəbər verir ki, razılaşmanın bazar ertəsi günü imzalanması planlaşdırılır.

Kreml Türkiyə-Ermənistan sərhədinin açılmasını istəyir

ƏLAQƏLİ

Bunu da oxu

Kreml Türkiyə-Ermənistan sərhədinin açılmasını istəyir

01.09.2026 - 16:55

Zelenskiy səhər müraciətində bildirib: “Tarixi razılaşmanı Fransiya ilə də hazırlamışıq. Aviasiyamızın, hava müdafiəmizin və digər hərbi imkanlarımızın ciddi şəkildə gücləndirilməsi nəzərdə tutulub. Bu, səfərin qrafikinə görə bazar ertəsi olacaq. Səfərin məzmunu yaxşıdır, bu, Ukraynanın müdafiəsini gücləndirməyə və məqsədlərimizə çatmağa kömək edir.”

Prezident həmçinin vurğulayıb ki, çərşənbə günü onun İspaniyaya “nəticəli səfəri” baş tutacaq, bu səfər uzun müddətdir hazırlanır. Zelenskiy bildirib: “Daha bir güclü ölkə bizim tərəfdaşlara və təşəbbüslərə qoşulub, bu da Ukraynaya real dəstək verir. Bugünkü əsas hədəflərimiz hava hücumundan müdafiə sistemi və raketlərdir. Hər rus hücumu sonrası biz qüvvələrimizi bərpa edirik. Bu asan deyil, amma bunu edirik.”

Bundan əlavə, Zelenskiy artıq “qaz idxalının maliyyələşdirilməsi üzrə razılaşmaların” mövcud olduğunu açıqlayıb. Bu razılaşmalar təxminən 2 milyard avro dəyərində qaz idxalını təmin edərək rus hücumları səbəbindən itirilmiş daxili hasilatı kompensasiya etməyə imkan verəcək.