Hindistanda faciə: turist gəmisinin batması nəticəsində 22 nəfər öldü

Hindistanın Kerala əyalətində turist gəmisinin batması nəticəsində 7-si uşaq olmaqla 22 nəfər həyatını itirib.

AZXEBER.COM xəbər verir ki, NDTV-nin məlumatına görə, turistləri daşıyan qayıq yerli ölkənin cənubunda yerləşən Kerala ştatının Malappuram bölgəsində batıb.

Malappuramın xilasedici briqadasının rəsmilərindən Moosa Vadakkethil verdiyi açıqlamada qayığın batmasından sonra xilasetmə işlərinə başlanıldığını bildirib. Vadakkethil 7-si uşaq olmaqla 22 nəfərin cəsədlərinə çatdıqlarını, axtarış-xilasetmə işlərinin davam etdiyini bildirib.

Vadakkethil batan qayıqdan sağ qalanların çox olduğuna diqqət çəkib.

Baş nazir Narendra Modi verdiyi açıqlamada həyatını itirənlərə görə kədərləndiyini bildirib. Modi qəzada yaxınlarını itirənlərə başsağlığı verib və təzminat ödəniləcəyini açıqlayıb.