Həftəsonu Naxçıvanda 41 dərəcə isti gözlənilir

Ölkə ərazisində yaxın günlərdə hava şəraiti sabit və yağmursuz keçəcək. Avqustun 22-dən 25-dək Bakıda və Abşeron yarımadasında havanın maksimal temperaturunun 33-38 dərəcə, Azərbaycanın rayonlarında isə 35-38 dərəcə arasında olacağı gözlənilir. Mərkəzi Aran və Naxçıvan Muxtar Respublikasının bəzi bölgələrində isə temperaturun 40-41 dərəcəyə çatacağı proqnozlaşdırılır.

Minval.info xəbər verir ki, bu məlumatı Milli Hidrometeorologiya Xidmətinin Proqnozlar Bürosunun direktoru Gülşad Məmmədova açıqlayıb. Vətəndaşlara bu isti günlərdə diqqətli olmaları tövsiyə edilir.