Gürcüstanda NATO təlimi başlayıb

Gürcüstanda NATO-nun “Çevik ruh 2019” çoxmillətli hərbi təlimi başlayıb.

“Report”un Gürcüstan bürosu xəbər verir ki, bu barədə ölkənin Müdafiə Nazirliyi məlumat yayıb.

Təlimlərdə Gürcüstanla yanaşı, Bolqarıstan, Belçika, Böyük Britaniya, ABŞ, Yunanıstan, Latviya, Litva, Monteneqro, Rumıniya, Polşa, Norveç, Türkiyə və Ukraynadan olan 3 000-dən çox hərbçi iştirak edir.

ƏLAQƏLİ

Bunu da oxu

Rusiya Xəzəri təhlükəli bölgəyə çevirir

11.10.2022 - 13:37

Avqustun 9-na qədər davam edəcək təlim 3 məkanda keçiriləcək.

Təlimin keçirilməsində məqsəd iştirakçı ölkələr arasında funksional uyğunluğun gücləndirilməsi, çoxmillətli mühitdə əməliyyatların planlaşdırılması və həyata keçirilməsi imkanlarının artırılması və Qara dəniz regionunda sabitlik və təhlükəsizliyin qorunmasına töhfə verməkdir.

Qeyd edək ki, NATO-nun “Çevik ruh” təlimi Gücüstanda 2011-ci ildən etibarən keçirilir. Bu təlimlər Gürcüstanın ABŞ və NATO ilə əməkdaşlığının komponentlərindən biridir.