Gürcüstan-Rusiya sərhədində həyəcan: Daşqın təhlükəsi siqnalizasiyanı işə saldı

Gürcüstan ilə Rusiya arasında yerləşən Dariali dərəsində quraşdırılmış siqnalizasiya sistemi aktivləşib. Bu hadisə nəticəsində ərazidəki gömrük məntəqəsi və digər qurumların işçiləri, eləcə də yük və minik avtomobillərinin sürücüləri və sərnişinləri təhlükəsiz zonalara köçürülüb.

Minval.info xəbər verir ki, Gürcüstan Maliyyə Nazirliyinin Gəlir Xidməti tərəfindən verilən məlumata əsasən, siqnalizasiya daşqın təhlükəsi səbəbindən işə düşüb. Vəziyyət sabitləşdikdən sonra sərhəd-keçid məntəqəsi yenidən fəaliyyətini bərpa edib.