FHN-də yeni təyinat: Kəmaləddin heydərovdan kənan aşurova etimad

Fövqəladə Hallar Nazirliyində (FHN) yeni təyinat həyata keçirilib. Nazirliyin ləğv edilmiş Fövqəladə halların nəticələrinin aradan qaldırılması işinin təşkili Baş İdarəsinin keçmiş rəisi polkovnik Kənan Aşurov, Baş Əməliyyat İdarəsinin rəis müavini vəzifəsinə gətirilib.

Minval.info xəbər verir ki, bu qərar fövqəladə hallar naziri general-polkovnik Kəmaləddin Heydərov tərəfindən verilmişdir. Kənan Aşurov, 1982-ci il iyunun 4-də Tovuz rayonunda doğulub və iki övlad atasıdır. Onun atası, mərhum İsaxan Aşurov, 1989-1991-ci illərdə Tovuz Rayon Polis Şöbəsində istintaq bölməsinin rəisi, daha sonra Göyçay və Qazax rayonlarında müxtəlif vəzifələrdə çalışmışdır. 1996-cı ildən vəkil kimi fəaliyyət göstərən İsaxan Aşurov, 2012-ci ildə ABŞ-da xərçəng xəstəliyindən vəfat etmişdir.