Dünyanın ən varlı idmançısı hesab olunan Floy Meyvezerin yeni eşq macərası qalmaqala səbəb olub.

Fanat.Az xəbər verir ki, məşhur boksçu Las Veqasdakı bir gecə klubunda striptizçilik edən Anna Monroe ilə münasibətə başlayıb. Lakin qızın ailəsi bu münasibətə qarşı çıxıb.

43 yaşlı boksçunun əvvəlki sevgililərini döyməsini əsas gətirən Monroenun ailəsi qızlarının onunla görüşməsinə qadağa qoyub. Onlar Annanın da Meyvezerin keçmiş sevgililərinin aqibətini yaşamasını istəmir.

Ailəyə yaxın mənbənin verdiyi məlumata görə, xüsusən Monroenun atası bu münasibətə qarşıdır və qızının Meyvezerin pullarına görə başının döndüyünü hesab edir. O, qızına “Floyd bir müddət sonra səndən bezəcək və digər sevgililərinə etdiyi pislikləri sənə də edəcək” deyib.

Amma gənc qız ailəsinin qərarına rəğmən boksçu ilə görüşməyi davam etdirmək qərarına gəlib.

Qeyd edək ki, Meyvezer Josie adlı sevgilisini döydüyü üçün 2 aylıq həbs cəzası almışdı.