Cənubi Koreyada DMZ partlayışı yaxınlığında mina aşkar edilib

Cənubi Koreyada ötən həftə Demilitarizasiya Zonasında (DMZ) baş verən partlayışların yaxınlığında partlamamış mina aşkar edilib. Bu barədə Yonhap xəbər agentliyi hərbi mənbələrə istinadən məlumat yayıb.

Minval.info xəbər verir ki, Cənubi Koreya ordusu keçən bazar ertəsi iki Koreyanı ayıran Hərbi Demarkasiya Xəttinin cənubunda baş verən iki partlayışın səbəbini araşdırır. Hadisə nəticəsində iki əsgər ağır, biri isə yüngül xəsarət alıb.

Birgə Qərargah Rəisləri Komitəsinin (JCS) rəsmi nümayəndəsi əsgərlərin partlayış yerində Şimali Koreya taxta qutu minalarına bənzəyən bir obyekt gördüklərini bildirib. “Əsgərlərin gördükləri obyektin taxta qutu minalarına bənzədiyini eşitmişik,” deyə rəsmi qeyd edib.

ƏLAQƏLİ

Bunu da oxu

İlon Maskdan gözlənilməz vəd: ABŞ-də hər uşağa SpaceX səhmi verəcək

19.10.2026 - 17:34

Bəzi şahidlər obyekti plastikdən hazırlanmış taxta qutu minaya bənzədiyini, digərləri isə onun fərqli bir növ olduğunu düşünüblər. Cənubi Koreya ordusu və sərhəd ərazisini nəzarət edən BMT Komandanlığı bazar günü birgə təhqiqat başlatsalar da, gün batmadan partlayış yerinə çatmaq mümkün olmadı.

Milli Kriminalistika Xidməti əsgərlərin qoruyucu avadanlığından toplanan mina fraqmentləri və partlayıcı qalığını analiz edir. Müdafiə naziri Kanq Şin-çul hələ də minaların növünü müəyyən etmək üçün kifayət qədər dəlil olmadığını bildirib. Əgər minaların Şimali Koreyaya aid olduğu təsdiqlənsə, onların yağışla cənuba sürükləndiyi və ya qəsdən yerləşdirildiyi araşdırılacaq. İkinci hal 1950-53-cü il Koreya müharibəsini dayandıran atəşkəs müqaviləsinin pozulması deməkdir.