Bakıda Sabah hava sürprizlərlə dolacaq: Yağış və küləyə hazır olun!

Bakıda və Abşeron yarımadasında avqustun 15-də hava şəraitinin dəyişkən buludlu və əsasən yağmursuz keçəcəyi proqnozlaşdırılır. Səhər saatlarında bəzi yerlərdə qısamüddətli yağışın yağma ehtimalı mövcuddur. Gündüz saatlarında isə mülayim şimal-qərb küləyinin ara-sıra güclənəcəyi gözlənilir.

Minval.info xəbər verir ki, gecə saatlarında havanın temperaturu 22-25° isti, gündüz isə 29-32° isti olacaq. Atmosfer təzyiqi 759 mm civə sütunu təşkil edəcək, nisbi rütubət isə gecə 70-75 %, gündüz 50-55 % arasında dəyişəcək.

Azərbaycanın digər rayonlarında isə bəzi yerlərdə arabir yağış yağacağı gözlənilir. Ayrı-ayrı bölgələrdə qısamüddətli leysan xarakterli intensiv yağışlar, şimşək çaxması və dolu düşməsi ehtimalı var. Gecə və səhər saatlarında dağlıq və dağətəyi ərazilərdə yağıntıların güclənəcəyi proqnozlaşdırılır. Mülayim şərq küləyi əsəcək. Havanın temperaturu gecə 22-26° isti, gündüz 32-37° isti, dağlıq ərazilərdə isə gecə 12-17° isti, gündüz 20-25° isti olacaq.