Bakıda leysan yağışları: İki gün davam edəcək

Azərbaycanda avqustun 30-u axşam saatlarından etibarən sentyabrın 1-i səhərədək hava şəraitinin qeyri-sabit keçəcəyi proqnozlaşdırılır. Bakıda və Abşeron yarımadasında bu müddət ərzində yağışın leysan xarakterli olacağı, bəzi yerlərdə isə şimşək çaxacağı gözlənilir. Xüsusilə avqustun 31-i axşam saatlarında yağışın intensiv və qısamüddətli güclü olacağı ehtimal edilir.

Minval.info xəbər verir ki, Azərbaycanın digər rayonlarında da qeyri-sabit hava şəraiti sentyabrın 1-dək davam edəcək. Bəzi bölgələrdə fasilələrlə yağış yağacaq, yağışın qısamüddətli leysan xarakterli intensiv olacağı, şimşək çaxacağı və dolu düşəcəyi ehtimal olunur.

Proqnozlaşdırılan yağıntılı hava şəraiti çaylarda sululuğun artmasına səbəb ola bilər. Bəzi dağ çaylarında qısamüddətli sel keçməsi ehtimalı da istisna edilmir.