Bağdadinin görüntüsündə Türkiyə və Qafqaz detalı

Terror təşkilatının lideri əlindəki Türkiyə və Qafqaz “dosyası”nı xüsusi şəkildə nümayiş etdirdi

Terror təşkilatı İŞİD-in 4 il sonra yenidən ortaya çıxan rəhbəri Əbu Bəkr Bağdadinin əlindəki dosyelərdən birində “Türkiyə Vilayəti” yazısı diqqət çəkib.

Avropa.info xəbər verir ki, 4 il aradan sonra yenidən ortaya çıxan İŞİD rəhbəri Bağdadinin görüntüsü bütün dünyada gündəm olub.

Yayımlanan videoda Bağdadinin əlindəki bəzi fayllar və bu faylların üzərindəki yazılar suallara səbəb olub.

Dosyelərin üzərindəki Dəməşq, Yəmən, Somali, Qafqaz, Orta Afrika ilə yanaşı Türkiyənin də adı “Vilayəti Türkiyə” şəklində keçir.

S-400-lərin Türkiyəyə təslim tarixinin yaxınlaşması, Aralıq dənizindəki təbii qaz gərginliyi və ABŞ tərəfindən Türkiyəyə qarşı təzyiqlərin edildiyi bir vaxtda Bağdadinin əlində “Türkiyə dosyesi” ilə ortaya çıxması diqqət çəkib.