Azərbaycan vətəndaşı rus ordusunda təzyiq və təhdidlər altında: Müharibəyə məcburi göndəriş iddiası

Rusiyanın, Azərbaycan vətəndaşı Tural Əliyevi zorla Ukraynadakı müharibəyə göndərdiyi iddia olunur. Tural Əliyev, Rusiya ordusunda müqaviləli hərbi xidmətə 2023-cü ildə başlamış və bir neçə hücum əməliyyatında iştirak etmişdir.

Minval.info xəbər verir ki, Tural Əliyev, hərbi xidmətdən rəsmi azad edilməsinə baxmayaraq, “hərbi hissəni özbaşına tərk etmə” ittihamı ilə üzləşdiyini və iradəsinə zidd olaraq “Ştorm V” həmlə qrupuna göndərildiyini bildirir. O, pasportunun müddətinin bitdiyini və hərbi biletinin olmadığını qeyd edir.

Əliyev, Rusiya ordusunda sistemli qanunsuzluqlar, sənədlərin saxtalaşdırılması və təhdidlərə məruz qalması ilə bağlı videomüraciət yayımlayıb. O, komandanlıqla bağlı kompromat xarakterli məlumatlara malik olduğunu və bu səbəbdən təzyiqlərə məruz qaldığını iddia edir.

ƏLAQƏLİ

Bunu da oxu

Əli İbrahimovdan 7 uşaqlı ailəyə böyük dəstək

31.08.2026 - 20:02

Azərbaycan vətəndaşı, prokurorun hərbi hissə komandanlığına təzyiq göstərdiyini və onu ya cəbhə xəttinə göndərməyi, ya da istintaq təcridxanasına qaytarmağı tələb etdiyini bildirir. Bu proseslərin, Rusiya müdafiə nazirinin onun hərbi xidmətdən azad edilməsi barədə əmrinə və məhkəmənin cinayət prosesini dayandırmasına baxmayaraq baş verdiyini vurğulayır.

Tural Əliyev, işinin 40 məhkəmə iclasında müzakirə edildiyini, lakin hüquqlarının və sübutlarının nəzərə alınmadığını, bəzi sənədlərin isə saxtalaşdırıldığını iddia edir.