Alıuşağı kəndində "qarayara" təhlükəsi: Xüsusi nəzarət postu quruldu

Samux rayonunun Alıuşağı kəndində xüsusi nəzarət postu yaradılıb. Bu post vasitəsilə kənddən çıxan ət və süd məhsullarının daşınması ciddi şəkildə nəzarət altına alınıb.

Minval.info xəbər verir ki, kənd Təsərrüfatı Nazirliyinin Aqrar Xidmətlər Agentliyinin mütəxəssisləri tərəfindən idarə olunan postda, yoldan keçən avtomobillər dezinfeksiya edilir. Eyni zamanda, kənddəki iri təsərrüfatlarda dezinfeksiya baryerləri qurulub.

Xatırladaq ki, avqustun 13-də Gəncə Birləşmiş Xəstəxanasının Yoluxucu xəstəliklər şöbəsinə “qarayara” infeksiyası əlamətləri ilə 11 nəfər qəbul edilib. Bu şəxslərin əksəriyyəti Alıuşağı kənd sakinləridir.

ƏLAQƏLİ

Bunu da oxu

Azərbaycanda kişilər həyat yoldaşlarının soyadını qəbul etməyə başlayır: Artan trendin səbəbi nədir?

14.08.2026 - 23:12