18 yaşında rekord qırdı: Dünyanın ən gənc universitet professoru oldu

ABŞ-da yaşayan Natan Tomas, 18 yaş 346 günlüyündə universitet professoru kimi fəaliyyətə başlayaraq Ginnesin Rekordlar Kitabına daxil olub.

Minval.info xəbər verir ki, Tomas 2023-cü ilin avqustunda Mayami Deyd Kollecində mühəndislik tələbələrinə “C for Engineers” fənnini tədris etməyə başlayıb. Bu addımı ilə o, dünyanın ən gənc kişi universitet professoru titulunu qazanıb.

Əvvəlki rekord 1717-ci ildə 19 yaşında müəllimliyə başlayan şotland riyaziyyatçısı Kolin Maklorinə aid idi və bu rekord 306 il ərzində dəyişməz qalmışdı. Natan Tomas həmçinin 2008-ci ildə 18 yaş 362 günlüyündə universitet müəllimi olan Aliya Saburun rekordunu da 16 gün qabaqlayıb.

Burun əməliyyatı sonrası boşanma qərarı aldı

ƏLAQƏLİ

Bunu da oxu

Burun əməliyyatı sonrası boşanma qərarı aldı

04.09.2026 - 10:01

Tomasın təhsil həyatı da diqqətəlayiqdir. O, 10 yaşında orta məktəbdə oxumaqla yanaşı, Mayami Deyd Kollecində dərslərə qatılıb. 14 yaşında isə təhsilini Florida Beynəlxalq Universitetində davam etdirib. 18 yaşında elektrik mühəndisliyi üzrə həm bakalavr, həm də magistr dərəcələrini fərqlənmə diplomu ilə tamamlayan Tomas, daha sonra müəllim kimi fəaliyyətə başlayıb.

Natan Tomas “Ginnes”ə verdiyi açıqlamada, müəllimlikdə əsas meyarın yaş deyil, bilik və onu başqalarına ötürmək bacarığı olduğunu vurğulayıb: “Hər kəs buraya öyrənmək üçün gəlir. Yaşın buna elə də böyük təsiri yoxdur. Mən sadəcə işimi ən yaxşı şəkildə görməyə və tələbələrimə kömək etməyə çalışıram”.

Hazırda Natan Tomas Mayami Universitetinin Hüquq Məktəbində təhsil alır və eyni zamanda, onlayn universitet kursları keçməyə davam edir. O, gələcəkdə əqli mülkiyyət hüququ kimi elm və texnologiyayönümlü hüquq sahəsində fəaliyyət göstərməyi planlaşdırır.