"Yol polisi bununla təlimatı pozmuş olur" - FOTOLAR
Azərbaycanda yol polisi sürücünü saxlayarkən avtomobil sahibinin əsayiş keşikçisinin maşınına yaxınlaşması adi hal alıb. Əslində isə bunun əksi olmalıdır. Yəni YPX əməkdaşı sürücünün avtomobilinə yaxınlaşmalıdır.
Nədənsə bu alışqanlıq illərdir davam edir və heç cür həlli yolu tapılmır. Sürücülər hər zaman eyni cür davranırlar. Məsələ ilə bağlı Minval.info nəqliyyat məsələləri üzrə ekspert Ərşad Hüseynovun fikirlərini öyrənib.
O, bildirib ki, Yol Patrul Xidməti haqqında təlimata görə, polis əməkdaşı avtomobilin dayanması barədə göstəriş verməli və ləngimədən nəqliyyat vasitəsinə yaxınlaşıb özünü təqdim etməlidir. Əks təqdirdə, əsayiş keşikçisi təlimatı pozmuş olur: “Lakin bunun başqa tərəfləri də var. Məsələn, bizdə polis avtomobilə yaxınlaşmamış, sürücü özü YPX maşınına tərəf gedir. Mən bunu sürücülərə tövsiyə etmirəm. Onların belə bir vəzifəsi yoxdur. Amma sürücüyə avtomobildən düşmək qadağan deyil”.
Ərşad bəy qeyd edib ki, bəzi ölkələrdə bu kimi hallar qadağandır. Yəni yol polisi avtomobilin dayanması barədə göstəriş verərsə, sürücü qanunvericiliyə əsasən nəqliyyat vasitəsindən enə bilməz.
Müsahibimiz deyib ki, Azərbaycanda da qanunda dəyişikliklər etmək olar. Lakin bununla belə halların qarşısını almaq asan deyil. Onun sözlərinə görə, təbliğatla aradan qaldırmaq mümkündür.
Cərimələrin tətbiq olunmasına gəldikdə isə Ə.Hüseynov bildirib ki, bu, cəmiyyətdə gərginlik yaradır:
“Qanunla belə halların aradan qalxması üçün hər hansı dəyişiklik edilə bilər. Məsələn, qanunda belə yazıla bilər ki, “Sürücü yol polisi yaxınlaşana qədər avtomobildən enməsin”. Amma cərimələrin tətbiq olunmasına ehtiyac duymuram. Bu, bizim cəmiyyətdə bir növ insanı rəftar kimi formalaşıb”.
Samir Mirzə
Fotolar: Fərid Özay
Minval.info
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Uşaqların yaddaşı və məntiqi düşüncəsi zəifləyə bilər
Sosial şəbəkələrdə yayılan bu sənəd saxtadır
Pensiya kapitalında dəyişikliklərə dair rəsmi açıqlama
Hamilə müəllimə ilə müqavilə bağlanmamasının səbəbi açıqlandı
Qadınlara hamiləlik və doğum müavinətində mühüm yeniliklər
Şəhid ailələrinə 20 min manat müavinət veriləcək
Sosial şəbəkələrdəki ölümcül trend: bu qarışıq təhlükə saçır
