Yıldız Tilbe və Vəfa Şərifova barışdı!

Türkiyənin tanınmış müğənnisi Yıldız Tilbe ilə azərbaycanlı müğənni Vəfa Şərifova arasında yaşanan mübahisə məhkəmə müstəvisinə keçməyib. Bir neçə ay əvvəl Yıldız Tilbe, Vəfa Şərifovanın onunla duet ifa etmək üçün 100 min ABŞ dolları ödədiyini, lakin Tilbenin bu təklifi qəbul etmədiyini iddia etmişdi.

Minval.info xəbər verir ki, Vəfa Şərifovanın prodüseri Mikayıl Hüseynov açıqlamasında tərəflər arasında heç bir məhkəmə prosesinin baş vermədiyini və məsələnin artıq həll olunduğunu bildirib. O, tərəflərin razılığa gəldiyini və mövzunun bağlandığını qeyd edib.