Yaşı 18-dək olan şəxslərin diqqətinə: Hansı güzəştlər var?
Yaşı 18-dən az olan şəxslərin əmək hüquqları ilə bağlı bir sıra məhdudiyyətlər və güzəştlər mövcuddur. Bu yaş qrupuna daxil olan işçilərin gecə növbələrində, iş vaxtından artıq saatlarda və bayram günlərində işə cəlb edilməsi, eləcə də ezamiyyətə göndərilməsi qanunla qadağandır.
Minval.info xəbər verir ki, Əmək və Əhalinin Sosial Müdafiəsi Nazirliyinin məlumatına əsasən, bu kateqoriyaya daxil olan işçilərlə əmək müqaviləsi bağlanarkən sınaq müddəti tətbiq edilmir və onların attestasiyası keçirilməz. 16 yaşına qədər olan işçilər üçün həftəlik iş saatı 24 saatı, 16-18 yaş arası işçilər üçün isə 36 saatı keçməməlidir.
Əmək məzuniyyəti müddəti də yaş qrupuna görə dəyişir: 16 yaşdan kiçik işçilərə 42 təqvim günü, 16-18 yaş arası işçilərə isə ən azı 35 təqvim günü məzuniyyət verilməlidir. Bundan əlavə, yaşı 18-dən az olan işçilərin ağır əşyaların qaldırılması və daşınması işlərinə cəlb edilməsi qadağandır.
ƏLAQƏLİ
Pensiya yaşına bir addım qalmış: İşdən çıxarılanlar hansı hüquqlara malikdir?
Bu yaş qrupuna daxil olan işçilərin peşəkarlıq səviyyəsi və ixtisası kifayət etmədiyi üçün əmək müqaviləsinə xitam verilə bilməz. Həmçinin, ağır və zərərli iş şəraitində, yeraltı işlərdə və mənəviyyata zərər verə biləcək işlərdə bu yaş qrupunun əməyindən istifadə olunması qanunla qadağandır.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Masazırda bitməyən yol problemi: "Qurumlar deyirlər ki, pul yoxdur"
Dövlət Tibbi sığorta agentliyində yeni sima: Gülnar hacalıyeva kimdir?
Azərbaycanda 41 mindən çox ailəyə doğum müavinəti ödənilib
