Xalq artisti Şükufə Yusupova yeni klinikada müalicədədir

Xalq artisti Şükufə Yusupova daha ixtisaslı tibbi xidmət üçün Yeni Klinikaya köçürülüb. Avqustun 21-də Kliniki Tibbi Mərkəzə yerləşdirilən 1954-cü il təvəllüdlü sənətçi, avqustun 24-də Yeni Klinikaya təxliyə edilib. Hazırda onun müalicəsi müvafiq şöbədə davam etdirilir və vəziyyəti stabil olaraq qiymətləndirilir.

Minval.info xəbər verir ki, avqustun 21-də “İçərişəhər” metrostansiyasının yaxınlığında yolu keçərkən Şükufə Yusupova avtomobil qəzasına uğrayıb. Hadisə saat 18:00 radələrində Həsən Seyidbəyli küçəsində baş verib. Həsən Hüseynlinin idarə etdiyi “Nissan Note” markalı avtomobil Xalq artistini vurub.

Faktla bağlı Səbail Rayon Polis İdarəsində araşdırma aparılır. Müayinələr nəticəsində Şükufə Yusupovaya çanaq və qabırğa sınıqları diaqnozu qoyulub.