Tusk və Kosinyak-Kamışa sui-qəsd xəbərdarlığı: xüsusi xidmətlər hərəkətdə

Polşanın Baş naziri Donald Tusk və müdafiə naziri Vladislav Kosinyak-Kamışa qarşı sui-qəsd təhlükəsi yaranıb. Publika.az xəbər verir ki, Polşa polisi bu ehtimal barədə məlumat alıb və dərhal tədbirlər görməyə başlayıb.

Polşa Daxili İşlər Nazirliyinin sözçüsü Karolina Qaleçka sosial mediada açıqlama verərək, əldə olunan informasiyanın ciddi qəbul edildiyini bildirib. Daxili işlər naziri Marçin Kervinski və Xüsusi Xidmətlərin koordinatoru Tomaş Semonyak bu vəziyyətlə bağlı hüquq-mühafizə orqanlarına xüsusi təlimatlar veriblər. Qaleçka təhlükəsizliyə dair daha ətraflı məlumat paylaşmayıb.

Xatırladaq ki, keçən ilin may ayında Donald Tuskun Hollandiyada çıxışı zamanı insident yaşanmışdı. Həmin vaxt səhnəyə atılan tüstü şaşkası səbəbindən çıxış yarımçıq qalmışdı. Bu hadisə də sui-qəsd cəhdi kimi dəyərləndirilmişdi.