Şamaxıda vulkan püskürdü (VİDEO)

Şamaxıda gecə saatlarında palçıq vulkanı püskürüb. Yaxınlıqda yaşayan sakinlər təşvişə düşüblər. Vulkan püskürməsi zamanı yerin altından xaric olan palçıq təxminən 10-15 metr hündürlüyə qalxaraq 1.5 hektara yaxın əraziyə yayılıb.

İnsanlar gecə vulkanın gurultusuna oyanıblar.

Vulkan gecə saat 1 radələrində Şamaxı rayonunun Quşçu kəndində püskürməyə başlayıb və proses hazırda davam edir.

Kənd sakinləri deyirlər ki, onlar gecə vulkanın səsinə oyanıblar. Yaxınlıqda yerləşən yaşayış evlərinin sakinləri təşvişə düşüblər. Vulkan püskürməsi zamanı yerin altından xaric olunan palçıq təxminən 10-15 metr hündürlüyə qalxıb və 1,5 hektara yaxın əraziyə yayılıb.

Hazırda vulkanda qaynama və palçıq axma prosesi davam edir. Ərazidən qaz iyi gəlir. Kənd sakinləri deyirlər ki, bu vulkan sonuncu dəfə 2005-ci ildə püskürüb.

Rayon icra hakimiyyətinin nümayəndələri də kənddə olublar. Vulkanın püskürdüyü ərazilərə baxış keçirilib.

Təbiət hadisəsi zamanı evlərə ziyan dəyməyib.

Bu xəbəri paylaş:

Link yaddaşa kopyalandı!