Rihanna Türkiyədə ad savaşını qazandı: ‘RIANNA’ markası tarixə qovuşdu

Rihanna Türkiyədə ad savaşını qazandı: 'RIANNA' markası tarixə qovuşdu

Dünyaca məşhur müğənni Rihanna, Türkiyədə onun adına bənzər şəkildə qeydiyyatdan keçirilmiş ‘RIANNA’ markasına qarşı açdığı məhkəmə işində qalib gəlib.

Minval.info xəbər verir ki, Rihanna öz markasını Türkiyə bazarında təqdim etdikdən sonra, ‘RIANNA’ adlı yerli bir markanın mövcudluğu ortaya çıxıb. Müğənninin hüquqşünasları, adların çox bənzədiyini və bu səbəbdən istehlakçıların onları qarışdıra biləcəyini iddia edərək məhkəməyə müraciət ediblər.

Məhkəmə prosesində ‘RIANNA’ markasının sahibi, adın ərəb mənşəli olduğunu və ‘gözəl qoxu’ mənasını verdiyini bildirərək iddiaya qarşı çıxıb. Lakin məhkəmə, yazılışdakı kiçik fərqlərə baxmayaraq, iki markanın istehlakçılar tərəfindən qarışdırıla biləcəyinə qərar verib. Nəticədə, ‘RIANNA’ markasının qeydiyyatı ləğv edilib.