Polad Bülbüloğlunun ailəsi Moskvada Azərbaycan dilində danışır

Tanınmış aktyor və rejissor Rza Rzayev, xalq artisti Polad Bülbüloğlu ilə bağlı maraqlı bir xatirəsini bölüşüb. O, Polad Bülbüloğlunun Rusiyada səfir olduğu dövrdə baş verən bir hadisəni xatırladıb.

Minval.info xəbər verir ki, Rza Rzayev, 2012-2013-cü illərdə Polad Bülbüloğlunun “Dolu” filminin yaradıcı heyətini Rusiyaya dəvət etdiyini bildirib. Moskvada və digər şəhərlərdə filmin yüksək səviyyədə təqdimatı keçirilib. Bu tədbirdən sonra məşhur bir restoranda yaradıcı heyətin şərəfinə ziyafət təşkil olunub. Ziyafətdə Polad Bülbüloğlu və ailəsi də iştirak edirdi.

Rza Rzayev, Polad Bülbüloğlunun həyat yoldaşı və uşaqlarının Azərbaycan dilində təmiz danışdıqlarını və özlərini çox mütəvazi apardıqlarını vurğulayıb. Onun sözlərinə görə, ailə üzvləri Moskvada rus dilində təhsil alsalar da, evdə yalnız Azərbaycan dilində danışır və milli adət-ənənələrə sadiq qalırlar. Bu, aktyoru çox təəccübləndirib və təsirləndirib.