Qumral: “Otel əxlaqsızlıq yuvası deyil”

Qumral: "Otel əxlaqsızlıq yuvası deyil"

Müğənni Qumral, otellərdə istirahət etməyin cəmiyyətdə birmənalı qarşılanmamasına dair fikirlərini açıqlayıb. O, otelə getməyin normal bir istirahət seçimi olduğunu və bunun mənfi mənada dəyərləndirilməsinin doğru olmadığını vurğulayıb.

Minval.info xəbər verir ki, sənətçi həyat yoldaşı ilə birlikdə otellərdə dincəldiyini və bu səbəbdən bəzən tənqid və təhqirlərlə üzləşdiyini bildirib. “Otelə ərimlə gedirəm. Otel əxlaqsızlıq yuvası deyil ki, eyib sayılsın. Gözəl istirahət məkanlarında səviyyəli otellər var. Ailəmlə dincəlirəm, otelə gedirəm, gedəcəyəm də”, – deyə Qumral qeyd edib.

Müğənninin bu fikirləri sosial şəbəkələrdə geniş müzakirələrə səbəb olub. İzləyicilərdən bəziləri Qumralın mövqeyini dəstəkləsə də, digərləri fərqli düşüncələrini ifadə ediblər.