Klava Koka nişanlı statusunda son ad gününü qeyd etdi

Rusiyalı müğənni Klava Koka 31 yaşını qeyd edib. Minval.info xəbər verir ki, sənətçi sosial şəbəkə hesabında bu ad gününün nişanlı statusunda ilk və son ad günü olduğunu yazıb.

Klava Koka paylaşımında bildirib:

“Nişanlı statusunda ilk və son ad günümü qeyd edirəm.”

Məlumata görə, müğənni son bir il ərzində nişanlanıb, valideynləri üçün arzuladıqları evi alıb, məşhur klip layihəsində onlarla şou-biznes ulduzunu bir araya gətirib, çoxsaylı səfərlər edib və müxtəlif musiqi mükafatlarına layiq görülüb.

Sənətçi 31 yaşını yaxın rəfiqələri ilə təşkil olunan subaylıq gecəsində qeyd edib. Tədbir yaxtada və dəniz kənarında keçirilib.