19.11.2026 - 15:04
Hövsanda dəniz qəhvəyi rəngə boyandı: Xəzəri kim çirkləndirir?
Hadisə 477 baxış

Hövsanda dəniz qəhvəyi rəngə boyandı: Xəzəri kim çirkləndirir?

Bakının Hövsan qəsəbəsində dəniz suyunun rəngi dəyişərək qəhvəyi rəng alıb. Bu mənzərə sahildə yaşayan sakinlərin diqqətini çəkib.

Baku.ws-ın yazdığına görə, görüntülərdə əsas narahatlıq doğuran məqam dəniz suyunun acınacaqlı şəkildə çirklənməsidir.

Qeyd olunur ki, Hövsan sahilində xeyli müddətdir boruların çəkilməsi və sualtı işlər aparılır. İddialara görə, boruların yeni rəngə boyanmasından və daha sonra suyun altına buraxılmasından sonra dənizin rəngində belə dəyişiklik müşahidə edilib.

Ehtimal olunur ki, istifadə olunan boya və ya digər materiallar suya qarışaraq bu mənzərəyə səbəb olub. Əgər suyun rənginin dəyişməsi həqiqətən də aparılan işlərlə bağlıdırsa, bu, ciddi ekoloji narahatlıq doğurur.

Azərbaycan Dövlət Su Ehtiyatları Agentliyi (ADSEA) yanında Suların İstifadəsinə və Mühafizəsinə Dövlət Nəzarəti Xidmətinin mətbuat katibi Xanlar Mehtiyev, dənizin çirklənməsi ilə bağlı məsələnin araşdırılması üçün əraziyə əməkdaşların göndərildiyini bildirib.

Bu xəbəri paylaş:
Link yaddaşa kopyalandı!

Ən son xəbərləri bizim sosial media səhifələrimizdə izləyin!

Ölkədən və dünyadan ən sürətli canlı yayımları qaçırmamaq üçün bizə abunə olun: