Bakıda qadın voleybol çempionatı start götürdü

Bu gün Bakıda qadın voleybolçular arasında Avropa çempionatının açılış mərasimi keçirilib. Tədbir Milli Gimnastika Arenasında baş tutub və şou proqramla başlayıb.

Minval.info xəbər verir ki, açılış matçında Azərbaycan və Portuqaliya komandalarının bayraqları meydançaya gətirilib və hər iki ölkənin himnləri səsləndirilib. Bu gün saat 19:00-da başlayacaq oyunla çempionatın C qrupunun oyunlarına start veriləcək.

Bakıdakı oyunlar avqustun 28-nə qədər davam edəcək və çempionat sentyabrın 6-na qədər Azərbaycan, Türkiyə, İsveç və Çexiyanın ev sahibliyi ilə keçiriləcək. Faiq Qarayevin baş məşqçi olduğu Azərbaycan komandası C qrupunda Portuqaliya, Niderland, Belçika, Rumıniya və İspaniya yığmaları ilə mübarizə aparacaq. Reqlamentə əsasən, qruplarda ilk 4 yeri tutan komandalar pley-off mərhələsinə yüksələcək.