Azərbaycanlı müğənni pəriyar məmmədova küçədə hücuma məruz qaldı: Hadisənin şok təfərrüatları

Azərbaycanlı müğənni Pəriyar Məmmədova küçədə hücuma məruz qaldığını bildirib. O, bu barədə sosial şəbəkə hesabında paylaşım edərək, hadisənin avqustun 14-də səhər saatlarında baş verdiyini qeyd edib. Müğənni səhnədən qayıdarkən 20 Yanvar dairəsi yaxınlığında iki naməlum şəxs tərəfindən təhqir olunub və fiziki zorakılığa məruz qalıb.

Minval.info xəbər verir ki, Pəriyar Məmmədova hücum zamanı aldığı zədələrdən danışıb. Onun sözlərinə görə, alnı şişib, gözünün altı göyərib, bədənində və qollarında hematomalar yaranıb, barmağı isə zədələnib. Müğənni hadisə ilə bağlı hüquq-mühafizə orqanlarına müraciət etdiyini və təqsirkarların tapılmasını tələb etdiyini bildirib.