Ziya Bünyadovda avtobus zolağının vaxtı uzadıldı!

Bakı şəhərində avtobusların qrafikə uyğun və gecikmədən hərəkətini təmin etmək məqsədilə Ziya Bünyadov prospektində avtobus zolağının fəaliyyət müddəti artırılıb. Belə ki, Ziya Bünyadov prospektinin Atatürk prospekti ilə kəsişməsindən Azadlıq prospekti ilə kəsişməsinədək olan hissəsində, Metronun 20 Yanvar stansiyası istiqamətində avtobus zolağının axşam saatlarında fəaliyyət müddəti 1 saat artırılıb. Əvvəllər avtobus zolağı 17:00-20:00 aralığında qüvvədə olub. Minval.info xəbər verir ki, dəyişikliyə əsasən, bundan sonra zolaq 17:00-21:00 aralığında qüvvədə olacaq. Sürücülərdən edilən dəyişikliyi nəzərə alaraq diqqətli olmaları xahiş olunur.